​​​

VISION & PURPOSE

​

Kan i tinhmi cu Gospel Baptist Church ti min pu in Pathian bia bantukin Pathian sunparnak ding caah a si. (Salm 5: 23; John 15: 8; 1 Pet. 4: 11, 14, 16). Mah hi kan i tinhmi a tlinnak dingah,

 

1. Vawleicung khuazakip ah chim i karhter ding (Mat. 28: 18-20; Mark 16: 15-16)

2. Mi vilate khamh si ding le biatak hnaglhter ding (1 Tim. 2: 4)

3. Zumtu piangthar biatak thei pawl a zultu siter ding (Mat. 28: 19-20)

4. Zumtu tling lak in cawm le biatak chung i nun le thanter ding ( 2 John 3-4)

5. Pathian biatak le zumhnak humhim ding (Tit. 1: 9)

6. Khrihfabu hmasa bik pawl pomning, tuahning, kalpining hmang in missionary riantuannak le thawngtha biachim in, hmun le caan hrial loin vawleicung pumpi ah thawngtha karhter chin lengmang ding.

7. Pathian bia bantukin i hruainak le Khrihfabu zumhnak pomning bantukin khuazakip ah pianthar (hrinthar) Khrihfabu hman dirh lengmang ding (Mat. 16: 16-19)

 

 

I Pehtlaihnak

​

Hi Khrihfabu cu mahte dir, mahte nawlngei, Khrihfabu lu a simi, Jesuh Khrih lawng bochantu a si lai. Baibal zumtu, Baibal bantukin a kalmi midang pawl he tuantinak le pehtlaihnak a herhning in ngeih khawh a si lai. Hi Khrihfabu nih Pathian biatak dohkalhtu siseh, kal sual, cawnpiaknak sual le zumhnak hmaanlo pomtu he tuantinak a ngei lai lo.

 

Hi Khrihfabu cu Gospel Baptist Church of Myanmar Convention ah I peh tlaih dih a si lai. Association zung ah tuanti le umti a si. Convention in siseh, Association in siseh, a kalpi lengmang lio mi biatak le Baibal dirhmun a pialtak a si ahcun pehtlaihnak in phuah khawh a si lai.